«Տոտտենհեմը» հետաքրքրված է «Մանչեսթեր Յունայթեդի» և «Նոթինգհեմ Ֆորեստի» դարպասապահ Դին Հենդերսոնի ծառայություններով:
Անցած մրցաշրջանում չկարողանալով մարտահրավեր նետել «Յունայթեդի» թիվ 1 Դավիդ Դե Խեային՝ Հենդերսոնը հրաժարվեց շարունակել նստել հարազատ ակումբի պահեստայինների նստարանին և գնաց «Ֆորեստ»՝ այս մրցաշրջանում պրակտիկայի համար:
Այս մրցաշրջանի ավարտից հետո Հենդերսոնը ևս մեկ անգամ պետք է որոշի, թե ինչ անել իր կարիերայի հետ, և ESPN-ը պնդում է, որ Դինը հնարավորություն կունենա փոխարինել Ուգո Լյորիսին «Տոտտենհեմում»:
«Տոտտենհեմը» դիտարկում է Հենդերսոնին «Էվերթոնի» դարպասապահ Ջորդան Փիքֆորդի հետ հավասար, բայց նա նոր պայմանագիր կնքեց անցած ամիս և կլքի «իրիսներին» միայն այն դեպքում, եթե նրանք լքեն Պրեմիեր լիգան:
Հենդերսոնին ձեռք բերել «Տոտտենհեմին» կարող է օգնել «Յունայթեդի» հետաքրքրությունը «շպորների» հարձակվող Հարի Քեյնի նկատմամբ:
