«Տոտտենհեմը» հայտարարել է «Հայդուկի» կենտրոնական պաշտպան Լուկա Վուշկովիչին ձեռք բերելու մասին:
Այն, որ «Տոտտենհեմը» պայմանավորվել էր Վուշկովիչի տրանսֆերի շուրջ, հայտնի դարձավ ավելի վաղ՝ սեպտեմբերին։ Սա այժմ պաշտոնապես հաստատվել է։
Վուշկովիչի պայմանագիրը «Տոտտենհեմի» հետ նախատեսված է մինչև 2030 թվականը, սակայն «խթաններին» նա կարող է միանալ միայն 2025 թվականին, իսկ մինչ այդ կշարունակի հանդես գալ Սպլիտը ներկայացնող ակումբում։
Մինչև 16 տարեկան Վուշկովիչը 11 հանդիպում է անցկացրել «Հայդուկի» առաջին թիմի կազմում՝ նախորդ մրցաշրջանում հաղթելով Խորվաթիայի գավաթը։ Լուկան խաղում է նաև Խորվաթիայի մինչև 18 տարեկանների երիտասարդական հավաքականում։
Evening Standard-ը Խորվաթիայի առաջնության պատմության ամենաերիտասարդ խաղացող Վուշկովիչի տրանսֆերը գնահատում է 12 միլիոն ֆունտ ստերլինգ։
