«Տոտտենհեմը» հայտարարել է, որ բաժանվում է գլխավոր մարզիչ Անտոնիո Կոնտեից «կողմերի փոխադարձ համաձայնությամբ»։
Կոնտեն քիչ էր մնում ավարտեր «Տոտտենհեմի» իր կարիերան բարկացած ելույթով, երբ միջազգային ընդմիջումից առաջ բաց թողեց «Սաութհեմպտոնի» դեմ հաղթանակը:
«Շպորների» նախագահ Դանիել Լևին չընկրկեց և ժամանակ պահանջեց մտածելու համար, բայց դա չփրկեց Կոնտեին:
Արդյունքում, «Տոտտենհեմը» համաձայնության եկավ Կոնտեի հետ համագործակցությունը դադարեցնելու վերաբերյալ։
Լոնդոնյան ակումբը հայտնում է նաև, որ Քրիստիան Ստելլինին, ով Կոնտեի աջ ձեռքն էր, կզբաղեցնի գլխավոր մարզչի պաշտոնը մրցաշրջանի մնացած հատվածում։ Իսկ Ռայան Մեյսոնը կդառնա նրա օգնականը։
«Մեզ մնացել է Պրեմիեր լիգայի 10 խաղ, և մեզանից է կախված Չեմպիոնների լիգայի ուղեգրի հարցը: Մենք բոլորս պետք է համախմբվենք: Բոլորը պետք է կատարելագործվեն, որպեսզի հնարավորինս բարձր դիրք զբաղեցնենք մեր ակումբի և հիանալի, նվիրված երկրպագուների համար»,- ասել է Լևին:
Բացի այդ, Կոնտեն մարզում է «Տոտտենհեմը» 2021 թվականի նոյեմբերից՝ փոխարինելով հեռացված Նունո Էսպիրիտո Սանտոյին։ Անտոնիոն անցած մրցաշրջանում զբաղեցրեց չորրորդ տեղը Պրեմիեր լիգայում, որտեղ «շպորները» գտնվում է հենց հիմա:
