«Տոտտենհեմի» գլխավոր մարզիչ Անդրե Վիլաշ-Բոաշը պատմել է այն ֆուտբոլիստների մասին, ովքեր «Տրոմսյոյի» դեմ Եվրոպա Լիգայի երեկվա խաղում (0:3) վնասվածքներ են ստացել:
Նորվեգացիների հետ խաղում լոնդոնյան ակումբի երեք ֆուտբոլիստներ` Դենի Ռոուզը, Մուսա Դեմբելեն և Յունես Կաբուլը վնասվածքներ ստացան: Սակայն նրանց վնասվածքները լուրջ չեն, և ֆուտբոլիստներն արդեն այս կիրակի կարող են մասնակցել «Քարդիֆի» դեմ Պրեմիեր Լիգայի հերթական տուրի խաղին:
-Դեմբելեի հետ ամեն ինչ կարգին է: Նա ցավ էր զգացել մրցակցի հարվածից հետո, սակայն արդեն իրեն լավ է զգում:
Յունեսը մկանային խնդիրներ ունեցավ, և մենք որոշեցին նրան փոխարինել: Նա ամբողջ ուժով խաղում էր, սակայն բարդություններ չեն առաջացել:
Ինչ վերաբերվում է Դենիին, ապա նա վաղը կրկին բուժզննում կանցնի: Նրա ոտքի կոճը մի փոքր այտուցվել է, մենք հույս ունենք, որ ամեն ինչ լավ կլինի,- Վիլաշ-Բոաշի խոսքերն է մեջբերում Sky Sports-ը:
