Պրեմիեր Լիգայի 8-րդ տուրի այսօրվա առաջին խաղը տեղի ունեցավ Լոնդոնի «Լոֆտուս Ռոուդ» մարզադաշտում, ուր ՔՊՌ-ն հյուրընկալել էր «Լիվերպուլին»:
Խաղի հիմնական իրադարձությունները ծավալվեցին երկրորդ խաղակեսում: «Կարմիրները» դրամատիկ խաղում դժվարությամբ կարողացան հաղթել առաջնության ետնապահին: Նշենք, որ խաղի վերջին 5 րոպեում թիմերը չորս գնդակ ուղարկեցին միմյանց դարպաս: Լոնդոնցիներից դուբլի հեղինակ դարձավ Էդուարդո Վարգասը, «Լիվերպուլից» էլ աչքի ընկավ Ֆիլիպե Կոուտինյոն, իսկ հաղթանակը հնարավոր դարձավ Սթիվեն Կոլկերի ինքնագոլի շնորհիվ
Այս հաղթանակից հետո «Լիվերպուլը»՝ վաստակած 13 միավորով բարձրացավ 5-րդ հորիզոնական:
Գոլեր. Դան՝ 67ր (ինքն.), Վարգաս՝ 87ր, 90ր, Կոուտինյո՝ 90ր, Կոլկեր՝ 90ր (ինքն.):
