«Մանչեսթեր Յունայթեդի» կիսապաշտպան Քրիստիան Էրիկսենը կոճի վնասվածքի պատճառով երկու ամսից ավելի բացակայելուց հետո վերադարձել է լիարժեք մարզումներին։
Էրիկսենը վնասել է կոճը հունվարի 28-ին՝ Անգլիայի գավաթի չորրորդ տուրում «Ռեդինգի» դեմ խաղում (3-1):
Չորեքշաբթի երեկոյան «Յունայթեդը» կխաղա «Բրենտֆորդի» հետ Պրեմիեր լիգայում, և եթե Էրիկսենը չի հանդիպի իր նախկին ակումբին, Քրիստիանի վերադարձը խաղադաշտ այժմ մոտ ապագայի խնդիր է:
«Նա վաղը չի խաղա, բայց այսօր նա վերադառնում է մարզադաշտ, վերադառնում է թիմի մոտ, այնպես որ հիմա մենք կտեսնենք, թե որքան արագ նա կարող է մարզավիճակ հավաքել», – «Յունայթեդի» գլխավոր մարզիչ Էրիկ տեն Հագի խոսքերն է մեջբերում Daily Mail-ը։
Հավելենք, որ «կարմիր սատանաները» հաղթել են Էրիկսենի մասնակցած վերջին 13 հանդիպումներից 11-ում։
