«Չելսիի» կիսապաշտպան Քևին Դե Բրյույնեն պաշտոնապես տեղափոխվեց «Վոլսբուրգ»: Այս մասին հաղորդում է լոնդոնյան ակումբի պաշտոնական կայքը:
Կողմերը Բելգիայի հավաքականի 22-ամյա ֆուտբոլիստի տրանսֆերի վերջին կետերը համաձայնեցրին այս առավոտ: Քևինը գերմանական ակումբի հետ 5 տարվա պայմանագիր է ստորագրել: Տրանսֆերի արժեքը չի հաղորդվում:
Ընթացիկ մրցաշրջանում Քևինը չարժանացավ «կապույտների» գլխավոր մարզիչ Ժոզե Մոուրինյոյի վստահությանը և տեղ չգտավ թիմի հիմնական կազմում, ինչն էլ պատճառ դարձավ նրա հեռանալուն:
Նշենք, որ Քևինը Բունդեսլիգայում հանդես գալու փորձ ունի: «Չելսի» տեղափոխվելուց առաջ նա հանդես էր գալիս Բրեմենի «Վերդերում»:
