«Ֆուլհեմը» 5 մլն ֆունտ է առաջարկել «Տոտտենհեմին»՝ թիմի կիսապաշտպան Թոմ Հադլսթոունին ձեռք բերելու համար: Այս մասին հաղորդում է Daily Mail-ը:
26-ամյա անգլիացին համարվում է «Տոտտենհեմի» հնաբնակներից: Թոմը լոնդոնյան ակումբում է 2005թ-ից, սակայն մինչև այժմ նա չի կարողանում տեղ գտնել թիմի հիմնական կազմում:
Այժմ հայտնի է, որ «Ֆուլհեմը» կիսապաշտպանին մշտական խաղային պրակտիկա է առաջարկում: «Ֆուլհեմի» գլխավոր մարզիչ Մարտին Յոլը, ով առաջ գլխավորել է «Տոտտենհեմը», լավ ծանոթ է Հադլսթոունին:
