«Չելսին» պաշտոնապես հայտնել է գլխավոր մարզչի պաշտոնում Ժոզե Մոուրինյոյի վերադարձի մասին: Պորտուգալացի մարզիչը չորս տարվա պայմանագիր է ստորագրել լոնդոնյան ակումբի հետ:
Մոուրինյոն «Չելսիում» աշխատել է 2004-2007թթ-ին: Նրա գլխավորությամբ «ազնվականները» երկու անգամ հաղթել են Պրեմիեր Լիգայում, երկու անգամ նվաճել են Լիգայի գավաթը և մեկ անգամ՝ Անգլիայի գավաթը:
«Չելսիից» հեռանալուց հետո Ժոզեն մարզել է «Ինտերը» և «Մադրիդի Ռալը»: Իտալական գրանդի հետ նա հաղթել է նաև Չեմպիոնների Լիգայում:
Մոուրինյոն իր հետ երեք օգնականներ է բերել «Սթեմֆորդ Բրիջ»: Լոնդոնում նրան կօգնեն Ռուի Ֆարիան, Սիլվինո Լոուրոն և Ժոզե Մորաիշան:
