Ձմեռային տրանսֆերային պատուհանի ժամանակ «Արսենալ»-ը հնարավոր է փորձի ձեռք բերել «Քուինս Պարկ Ռեյնջերս»-ի մարոկացի կիսապաշտպան Ադել Տաարաբթին: Այս մասին հաղորդում է Daily Mirror-ը:
Սակայն «զինագործներ»-ը 23-ամյա ֆուտբոլիստի համար կպայքարեն միայն այն դեպքում, եթե չկարողանան հաջողության հասնել «Կրիստալ Փելես»-ի տաղանդավոր վինգեր Վիլֆրիդ Զախայի ձեռքբերման հարցում: Փոքր է հավանականությունը, որ Արսենալը կկարողանա վճարել 20-ամյա ֆուտբոլիստի տրանսֆերային արժեքը, քանի որ վերջինիս իրենց կազմում ցանկանում են տեսնել նաև «Տոտենհեմ»-ը, «Չելսի»-ն և «Մանչեսթեր Սիթի»-ն:
Այս պարագայում հավանական է, որ Արսեն Վենգերը ուշադրություն կդարձնի «Տոտենհեմ»-ի նախկին ֆուտբոլիստ Ադել Տաարաբթին:
