«Էվերթոնը» ձեռք է բերել Մադրիդի «Ատլետիկոյի» դարպասապահ Խոել Ռոբլեսին: Այս մասին հաղորդում է ակումբի պաշտոնական կայքը:
Հիշեցնենք, որ 23-ամյա իսպանացին Պրեմիեր Լիգա է տեղափոխվել հունվարին, երբ նրան վարձակալեց «Ուիգան Ատլետիկը», որի հետ նվաճեց Անգլիայի գավաթը:
Ռոբերտո Մարտինեսը, ով ամռանը «Ուիգանից» տեղափոխվեց «Էվերթոն», որոշեց Ռոբլեսին վերցնել իր հետ:
Ռոբլեսը դարձավ ամառային տրանսֆերային պատուհանի ընթացքում «Էվերթոնի» արդեն երրորդ ձեռքբերումը: Հատկանշական է, որ երեք ֆուտբոլիստներն էլ նախորդ մրցաշրջանում խաղացել են «Ուիգան Ատլետիկում»:
