Անգլիայի ազգային հավաքականի և «Լիվերպուլի» կիսապաշտպան Սթիվեն Ջերարդը հայտնել է, որ իր թիմը լավ հնարավորություններ է պահպանում Բրազիլիայում կայանալիք աշխարհի առաջնության ուղեգիր նվաճելու համար:
-Ես չեմ կարծում, որ մենք այդքան թույլ ենք, ինչպես շատերն են ասում: Բոլորը հասկանում են, որ մենք ֆավորիտների թվին չենք դասվում, որպեսզի աշխարհի առաջնությունը հաղթենք: Սակայն դա չի նշանակում, որ մենք չենք կարող հայտնվել այնտեղ, և գերազանց մրցաշար անցկացնել:
Պետք չէ ժամանակից առաջ ընկնել: Կարևորը` մնացած խաղերում հաղթելն է, իսկ հետո պետք է մտածել այլ նպատակների մասին:
Մենք ցանկանում ենք աշխարհի առաջնությանը մասնակցել: Մենք կփորձենք հայտնվել այնտեղ, որպեսզի ազգը մեզնով հպարտանա:
Աշխարհի առաջնությունում մասնակցելը յուրաքանչյուր ֆուտբոլիստի երազանքն է: Հատկապես, որ այս աշխարհի առաջնությունն անցկացվելու է Բրազիլիայում,- ասել է Ջերարդը:
