«Մանչեսթեր Սիթիի» գլխավոր մարզիչ Մանուել Պելեգրինին վստահ է, որ իր թիմը կարող է Չեմպիոնների Լիգան հաղթել արդեն այս մրցաշրջանում:
Վերջին երկու մրցաշրջանների ընթացքում «քաղաքայիններին» չէր հաջողվում հաղթահարել անգամ խմբային փուլի արգելքը: Սակայն Պելեգրինիի գալուց հետո «Սիթին» կարգավորեց իր խաղը նաև Չեմպիոնների Լիգայում:
-Ես կարծում եմ, որ մենք կարող ենք Չեմպիոնների Լիգան հաղթել արդեն այս մրցաշրջանում: Մենք պայքարելու ենք Եվրոպայի լավագույն թիմերից մեկի դեմ, սակայն մեր շանսերը հավասար են,- Պելեգրինիի խոսքերն է մեջբերում FourFourTwo-ն:
Հիշեցնենք, որ Չեմպիոնների Լիգայի 1/8-րդ եզրափակչում «Մանչեսթեր Սիթիի» մրցակիցը կատալոնական «Բարսելոնան» է:
