«Սանդերլենդի» գլխավոր մարզիչ Գուս Պոյետը կարծում է, որ «Լիվերպուլն» առանց իր առաջատար Լուիս Սուարեսի տեղ կզբաղեցներ Պրեմիեր Լիգայի մրցաշարային աղյուսակի միջին հատվածում:
Այսօր երեկոյան Պոյետի սաներն «Էնֆիլդում» կմրցեն չեմպիոնության համար պայքարող թիմերից մեկի դեմ: «Լիվերպուլն» առաջնության ամենաարդյունավետ թիմն է, իսկ Սուարեսը՝ 28 գոլով՝ առաջնության լավագույն ռմբարկուն:
-Ես զարմացած չեմ: Նրանք չեմպիոնության լավ հնարավորություն ունեն: Սակայն առանց Սուարեսի նրանք կգտնվեին աղյուսակի միջին հատվածում: Խնդիրն այն չէ, թե նրանք ինչպես են խաղում կամ ինչպես են պաշտպանվում: Խնդիրն այն է, որ նրանք ունեն մի ֆուտբոլիստ, ով այս մրցաշրջանում լավագույնն է,- Պոյետի խոսքերն է մեջբերում Daily Mirror-ը:
