Այսօր կայացավ Պրեմիեր Լիգայի 26-րդ տուրից հետաձգված «Էվերթոն» – «Կրիստալ Փելես» հանդիպումը:
Ռոբերտո Մարտինեսի թիմը, որը վերջին խաղերում փայլուն ելույթներ էր ունենում և լավ հնարավորություն ուներ լավագույն քառյակում տեղ գտնելու, անակնկալ պարտություն կրեց:
Հյուրերը երեք գնդակ ուղարկեցին Թիմ Հովարդի պաշտպանած դարպասը: Գոլերի հեղինակ դարձան Ջեյսոն Պանչեոնը, Սքոթ Դեննը և Կամերոն Ջերոմը: Մերսիսայդյան ակումբից էլ աչքի ընկան Սթիվեն Նեյսմիթը և Կևին Միրալյասը:
Այս հաղթանակից հետո «Կրիստալ Փելեսը» բարձրացավ 11-րդ հորիզոնական և գործնականում ապահովեց տեղը Պրեմիեր Լիգայի հաջորդ մրցաշրջանում:
Գոլեր. Պանչեոն՝ 23ր, Դենն՝ 49ր, Նեյսմիթ՝ 61ր, Ջերոմ՝ 73ր, Միրալյաս՝ 86ր:
