«Բարսելոնայի» կիսապաշտպան Ալեքսիս Սանչեսը դարձել է «Արսենալի» գլխավոր տրանսֆերային նպատակը:
Օրեր առաջ լոնդոնյան ակումբը հայտնեց Նիկլաս Բենդտներից բաժանվելու մասին, և այժմ հարձակման գծի ուժեղացումն ավելի կարևոր է դարձել:
Goal պարբերականի տվյալներով, «զինագործները» պատրաստվում են 32 մլն ֆունտ առաջարկել 25-ամյա Սանչեսի համար, ով երեկ ավարտեց ելույթները Բրազիլիայում ընթացող աշխարհի առաջնությունում:
Սակայն Սանչեսի համար պայքարում «Արսենալին» լուրջ մրցակցություն է սպասվում, քանի որ ֆուտբոլիստի համար պայքարում է նաև «Լիվերպուլը», «Մանչեսթեր Յունայթեդը» և «Յուվենտուսը»: Նախորդ մրցաշրջանում Սանչեսը «Բարսելոնայում» դարձել է 21 գոլի հեղինակ:
