«Արսենալի» գլխավոր մարզիչ Արսեն Վենգերը հավատում է, որ այս մրցաշրջանում իր թիմը կարող է դառնալ Պրեմիեր Լիգայի չեմպիոն: Նախորդ մրցաշրջանում «զինագործները» զբաղեցրին չորրորդ հորիզոնականը: Այս ամառ նրանց միացան դարպասապահ Դավիդ Օսպինան, պաշտպաններ Մաթյո Դեբյուշին և Կալում Չեմբերսը, ինչպես նաև հարձակվող Ալեքսիս Սանչեսը:
-Ես երբեք արդարացում չեմ փնտրել այն բանի համար, որ «Արսենալը» տիտղոսներ չի նվաճում: Սակայն ես գիտեմ իրավիճակը: Ես ընդունեցի մարտահրավերը և նոր ֆուտբոլիստների հետ պայմանագրեր ստորագրեցի: Կարծում եմ՝ սա «Արսենալում» իմ կարիերայի ամենակարևոր շրջանն է:
Ես մեծ սպասելիքներ ունեմ այս մրցաշրջանից: Կարող եմ անվերջ խոսել, սակայն ամեն ինչ որոշվում է ֆուտբոլային դաշտում: Միայն դա ցույց կտա չեմպիոնական պայքարում մեր իրական շանսերը:
Կարծում եմ, որ այժմ մենք հաջողության հասնելու համար անհրաժեշտ ամեն ինչ ունենք,- ասել է Վենգերը: Goal
