Անգլիայի ազգային հավաքականի գլխավոր մարզիչ Ռոյ Հոջսոնը հուսով է, որ «Արսենալի» հարձակվող Դենի Ուելբեքը կարող է օգտվել Դանիել Սթարիջի բացակայությունից:
Ինչպես գիտենք, Սթարիջը շարունակում է ապաքինվել ազդրի վնասվածքից, որը լավ հնարավորություն է 23-ամյա Ուելբեքի համար՝ անգլիացիների մեկնարկային կազմում տեղ գտնելու համար:
«Մանչեսթեր Յունայթեդից» տեղափոխվելուց հետո Դենին լավ մարզավիճակում է գտնվում, և ընդամենը մեկ շաբաթ առաջ «Գալաթասարայի» դեմ խաղում աչքի ընկավ հեթ-տրիկով: Հոջսոնը ցանկանում է, որ այժմ Դենին այդպիսի խաղ ցուցադրի Սան-Մարինոյի և Էստոնիայի դեմ խաղերում:
-Ես ուրախ եմ Դենիի համար: Հիանալի է, որ նա տեղափոխվեց մի ակումբ, որտեղ խաղալու հնարավորություն է ստացել: Նա այն ֆուտբոլիստն է, ում ես միշտ ուշադրիր հետևում եմ, և Դանիել Սթարիջի բացակայության պայմաններում նա իրեն դրսևորելու հնարավորություն կունենա,- Հոջսոնի խոսքերն է մեջբերում Daily Mirror-ը: