Պրեմիեր Լիգայի 22-րդ տուրում «Արսենալը» հյուրընկալել էր 13-րդ հորիզոնականում գտնվող «Բըրնլիին»։
«Զինագործները» դժվարին խաղում կարևոր հաղթանակ տարան Շոն Դայչի թիմի նկատմանբ։ Հանդիպման հաշիվը 59-րդ րոպեին Մեսութ Օզիլի փոխանցումից հետո բացեց Շկոդրան Մուստաֆին։ Խփած գոլից 6 րոպե հետո լոնդոնյան ակումբը մնաց 10 հոգով։ Վտանգավոր սահընկման համար կարմիր քարտ ստացավ Գրանիտ Ջական։ Ավելացրած ժամանակում Ջոնաթան Մոսը մեկական 11 մետրանոց նշանակեց թիմերի դարպասներին, որոնք անվրեպ իրացվեցին։ Անդրե Գրեյի դիպուկ հարվածին պատասխանեց Ալեքսիս Սանչեսը։
Այս հաղթանակից հետո Արսեն Վենգերի թիմը՝ վաստակած 47 միավորով բարձրացավ 2-րդ հորիզոնական։
Գոլեր․ Մուստաֆի՝ 59ր, Գրեյ՝ 90+2ր (11մ), Սանչես՝ 90+8ր (11մ)
Հեռացում․ Ջակա՝ 65ր։
