«Չելսին» հայտարարել է Գրեմ Փոթերին նոր գլխավոր մարզիչ նշանակելու մասին։
Մրցաշրջանի մեկնարկից ի վեր անցկացնելով Պրեմիեր լիգայի ընդամենը վեց և Չեմպիոնների լիգայի մեկ խաղ՝ «Չելսին» որոշեց հրաժեշտ տալ Թոմաս Տուխելին, ում հարաբերությունները ակումբի սեփականատերերի և թիմի խաղացողների հետ հասել էին իրենց սահմանագծին:
Տուխելի հեռացումից մեկ օր անց «Չելսին» լիովին համաձայնեց Փոթերի հետ և այժմ հայտարարել է Գրեմի հետ հինգ տարվա պայմանագիր ստորագրելու մասին։
«Բրայթոնը», որին մարզում էր Փոթերը 2019 թվականի ամառվանից, ստացել է մոտ 16 միլիոն ֆունտ ստերլինգ փոխհատուցում:
«Ես աներևակայելի հպարտ և ոգևորված եմ «Չելսին» ներկայացնելու համար: Ես շատ ոգևորված եմ «Չելսիի» նոր սեփականատերերի հետ համագործակցելու համար և անհամբերությամբ սպասում եմ աշխատելու խաղացողների հետ՝ զարգացնելու թիմն ու մշակույթը, որը կկատարեն այնպես, որ մեր հիանալի երկրպագուները կարողանան հպարտանալ»:
«Ցանկանում եմ նաև իմ անկեղծ երախտագիտությունը հայտնել «Բրայթոնին», որ թույլ տվեց ինձ օգտվել այս հնարավորությունից, ինչպես նաև Թոնի Բլումին, բոլոր խաղացողներին, անձնակազմին և երկրպագուներին՝ ակումբում գտնվելու իմ ողջ ընթացքում շարունակական աջակցություն ցուցաբերելու համար», – ասել է Փոթերը:
Այսպիսով, «Սուոնսիի» և «Էստերսունդայի» նախկին մարզիչը իր նորամուտը կանցկացնի շաբաթ օրը Պրեմիեր լիգայի «Ֆուլհեմի» դեմ խաղում։
