«Չելսիի» մարզչական շտաբը՝ Գրեհեմ Փոթերի գլխավորությամբ, երեքշաբթի օրը ճգնաժամային խորհրդակցություն անցկացրեց Քոբհեմի բազայում՝ փորձելով փրկել այս մրցաշրջանը:
Հանդիպումը հրավիրվեց այն բանից հետո, երբ «Չելսիի» սեփականատերերը հայտնեցին իրենց լիակատար աջակցությունը Փոթերին և կոչ արեցին ակումբի բոլոր անդամներին հավաքվել անցած դժբախտ շաբաթներից հետո:
Evening Standard-ի աղբյուրը հանդիպումն անվանում է «ռազմավարական հանդիպում»: Փոթերը և նրա օգնականները փակվեցին սենյակում՝ վերլուծելու և առկա խնդիրների լուծումները գտնելու համար:
«Չելսին» հաղթել է իր վերջին 14 հանդիպումներից միայն երկուսում և այժմ Պրեմիեր լիգայում 10-րդն է, ինչպես նաև Չեմպիոնների լիգայի 1/8 եզրափակիչի առաջին խաղում Դորտմունդի «Բորուսիայի» դեմ խաղում 1:0 հաշվով պարտվել է: Փոթերի թիմի խաղացողները վստահության և ինքնավստահության հստակ խնդիրներ ունեն:
Փոթերը, ով նաև հանդիպում է անցկացրել իր թիմի ղեկավարների հետ անցյալ ամիս, հուսով է, որ համատեղ որոշումները կօգնեն «Չելսիին» բարելավել իրենց արդյունքներն ու ելույթները:
