Մրցավարական կորպուսը շտապել է ներողություն խնդրել «Բրայթոնից» Պրեմիեր լիգայի «Տոտտենհեմի» դեմ խաղում չնշանակված 11 մետրանոցի համար։
«Բրայթոնը» նախօրեին «Տոտտենհեմից» հյուրընկալվելիս 2:1 հաշվով պարտություն կրեց, թեև խաղում գերազանցեց մրցակցին։ «Ճայերը» չափազանց անհաջող էին մրցավարության հարցում, քանի որ նրանց երկու գոլերը հակասականորեն չեղարկվեցին, և նրանց օգտին նույնպես հստակ 11 մետրանոց չնշանակվեց:
Մրցավարների գլխավոր տեսուչ Հովարդ Վեբն անձամբ ներողություն է խնդրել «Բրայթոնից» այն բանի համար, որ Պիեռ Հոյբյերգը տապալեց Կաուրու Միտոման տուգանային հրապարակում, հայտնում է Sky Sports-ը:
Նշենք, որ այս դրվագում մրցավար Ստյուարտ Աթվելն անմիջապես ցույց տվեց, որ կարելի է շարունակել խաղը, իսկ VAR համակարգը նույնիսկ չխարնվեց դրվագին։
Նույն խաղում Աթվելը կարմիր քարտ էր ցույց տվել երկու թիմերի մարզիչներին՝ Քրիստիան Ստելլինիին և Ռոբերտո Դե Զերբիին, ովքեր սկսել են պարզել հարցերը մեկնարկային սուլիչից առաջ։
