Ավարտվեց Պրեմիեր լիգայի 2022/23 մրցաշրջանը։ Նորությունների այս բաժնում մենք կամփոփենք Անգլիայի առաջնությունում հանդես եկած թիմերի արդյունքները և մեր ամփոփումը կշարունակենք մրցաշարային աղյուսակի 12-րդ հորիզոնականը զբաղեցրած թիմով։
Չելսի
Լավագույն ռմբարկու՝ Կայ Հավերց – 7
Լավագույն ասիստենտ՝ Ռահիմ Ստերլինգ,Հակիմ Զիեշ-3
Լավագույն խաղացող՝ Տիագո Սիլվա
Հիասթափություն՝ Մարկ Կուկարելիա
Բացահայտում՝ Լևիս Հոլլ
Ակնկալիքներ
Այն, որ «Չելսիի» համար մրցաշրջանը հեշտ չի լինելու, պարզ դարձավ դեռ սեզոնի սկզբնամասից, երբ Թոմաս Տուխելը դյուրագրգիռ և մռայլ էր՝ աստիճանաբար կորցնելով կապը թիմի հետ։ «Չելսին» չգնեց մարզիչի ընտրած խաղացողներին, բայց տրանսֆերային պատուհանի վերջին օրը նրան նվիրեցին Պյեր-Էմերիկ Օբամեյանգին, և թվում էր, թե Տուխելի տրամադրությունը կբարելավվի։
Սեզոն
«Չելսին» այնքան էլ լավ չսկսեց մրցաշրջանը՝ և՛ առաջնությունում, և՛ Չեմպիոնների լիգայում, որտեղ թիմը Զագրեբում պարտվեց տեղի «Դինամոյին»: Բայց մարզչի հրաժարականի պատճառ հանդիսացավ ոչ թե այս հարաբերական անհաջողությունների շարքը, այլ Թոդ Բելիի հետ փոխըմբռնման բացակայությունը: Ակումբի սեփականատերը ցանկանում էր թիմի ղեկին տեսնել ավելի հարմարավող մարզչի և պատրաստակամորեն գումար ծախսեց Տուխելի հետ պայմանագիրը խզելու և այն ժամանակվա ամենախոստումնալից մարզիչներից մեկին թիմ հրավիրելու համար։ Ավաղ, Բելի այս խաղադրույքը չաշխատեց, ինչպես շատ տրանսֆերներ, որոնք ակումբը կատարեց ամառային և ձմեռային տրանսֆերային պատուհանների ընթացքում։ Փոթերը հարմար էր Բելիի համար, բայց բավականաչափ հեղինակություն չէր վայելում թիմի և երկրպագուների մոտ։ Նա չափազանց նուրբ էր «Չելսին» հանդերձարանում հաստատվելու համար: Նա ստիպված էր դիմակայել նաև նորեկների բաբելոնյան պանդեմոնին, որոնք շարունակում էին մուտք գործել ձմռանը։ Ի վերջո, Փոթերը նույնպես հեռացվեց աշխատանքից, և այն, ինչ տեղի ունեցավ հետո, Թոդ Բելիի սխալների վերջին գործողությունն էր աղետալի սեզոնում:
Գնահատական
Անբավարար: Այս մրցաշրջանում «Չելսիի» ցուցադրած խաղի և արդյունքների համար բոլորը պետք է ամաչեն՝ ղեկավարությունը, թիմի հետ աշխատած բոլոր մարզիչները, և առանց բացառության բոլոր ֆուտբոլիստները։ Ինչ-որ մեկի մեղքը նման ողբալի արդյունքում ավելի շատ էր, ինչ-որ մեկին քիչ, բայց այս մրցաշրջանում «Չելսիում» բացակայում էին մարդիկ, ովքեր ամեն ինչ ճիշտ էին անում: Բայց, այնուամենայնիվ, Բելիին պետք է անվանել ձախողման գլխավոր մեղավոր։ Նրա ինքնավստահությունը և ակումբի կյանքի բոլոր ոլորտները կառավարելու ցանկությունը, գործնականում չունենալով ֆուտբոլային փորձ, հանգեցրին աղետալի արդյունքների: Մնում է հուսալ, որ ամերիկացին այնքան խելացի գործարար կգտնվի և թույլ տված սխալներից դասեր կքաղի։
