«Լիվերպուլի» գլխավոր մարզիչ Բրենդան Ռոջերսը ցանկանում է թիմում ներգրավել տեղացի երիտասարդ խաղացողների:
-Շատ կարևոր է ակումբում ունենալ երիտասարդ խաղացողների, ովքեր ծնվել և մեծացել են Լիվերպուլում: Նայեք ակումբի պատմությանը` Կարրագեր, Ջերարդ, Մակմանաման, Ֆաուլեր, Օուեն:
Վերջին 6-7 տարիների անգլիացի երկու լավագույն ֆուտբոլիստները Ջերարդն ու Ռունին են: Եվ նրանք երկուսն էլ տեղացի են: Պարզապես մեկը քաղաքի այս ծայրից է, մյուսը` այն: Այնպես որ չփորձեք ասել, որ Լիվերպուլում տաղանդավոր ֆուտբոլիստներ չկան:
Ըստ Ռոջերսի` հիանալի է խաղալ եվրոպացի ֆուտբոլիստների հետ, սակայն նա խորհուրդ է տալիս նկատել հենց տեղացի խաղացողներին:
-Լիվերպուլում կան ֆուտբոլիստներ, որոնք իսկապես նվիրվում են խաղին և հիանալի խաղ են ցուցադրում: Մեր աշխատանքի կարևորագույն մասն է սա ըստ իս,-ասել է Ռոջերսը:
