«Արսենալի» գլխավոր մարզիչ Արսեն Վենգերը հայտնել է, որ եթե ձմեռային տրանսֆերային պատուհանի ընթացքում ձեռքբերում չունենան, ապա Սեբաստիան Սկիլաչին և Անդրեյ Արշավինը կմնան թիմում:
Չնայած մամուլում հայտնված լուրերի` Վենգերը դեռևս ոչ մի ձեռքբերում չունի: «Զինագործները» արդեն բաժանվել են Յոհան Ջուրուից և Մարուան Շամախից, ովքեր վարձավճարով տեղափոխվել են համապատասխանաբար «Հանովեր» և «Վեստ Հեմ»:
Վենգերը չի պատրաստվում թիմում պահել այնպիսի ֆուտբոլիստների, ովքեր տեղ չեն գտնում հիմանական կազմում, սակայն բարձր աշխատավարձ են ստանում ակումբից:
-Կհեռանա՞ն արդյոք նրանք: Այս պահին կարող եմ ասել, որ ո՛չ: Սակայն եթե մենք նոր ֆուտբոլիստներ գնենք, ապա չի բացառվում, որ բաժանվենք Սկիլաչիից և Արշավինից:
Ամեն դիրքի համար մենք ունենք երկու ֆուտբոլիստ: Երեքը շատ է, իսկ մեկը՝ քիչ,- ասել է Վենգերը: Arsenal Player.
