Sky Sports-ի փոխանցմամբ «Նյուքասլը» պաշտոնական առաջարկ է արել «Բորդոյի» հարձակվող Յոան Գուֆրանի տրանսֆերի համար:
26-ամյա ֆրանսիացին կարող է խաղալ և որպես հարձակվող, և որպես վինգեր: Գուֆրանի գործող պայմանագիրը «Բորդոյի» հետ լրանում է այս մրցաշրջանի ավարտին, այդ իսկ պատճառով գործարքը շատ ծախսատար չի լինի «կաչաղակների» համար:
Ըստ աղբյուրի՝ «Նյուքասլը» ֆուտբոլիստի համար առաջարկել է 750 հազար եվրո (628 հազար ֆունտ): Անգլիական ակումբը ցանկանում է արագ կատարել գործարքը, մինչդեռ «Բորդոն» նախ ցանկանում է գտնել Գուֆրանին փոխարինողի:
