«Արսենալը» պաշտոնապես հաստատել է «Մալագայի» և Իսպանիայի ազգային հավաքականի ձախ պաշտպան Նաչո Մոնրեալի տրանսֆերը: Գործարքը «զինագործների» համար արժեցել է 8.3 մլն ֆունտ:
26-ամյա իսպանացին «Արսենալի» հետ երկարաժամկետ պայմանագիր է ստորագրել: Լուրերի համաձայն Նաչոն «Արսենալում» կվաստակի շաբաթական 60 հզր ֆունտ:
Նաչոն «Մալագայում» էր 2011թ-ից: Ֆուտբոլիստը ընթացիկ մրցաշրջանում չի կարող «Արսենալին» օգնել Չեմպիոնների Լիգայում, քանի որ նա այդ մրցաշարին արդեն մասնակցել է «Մալագայի» կազմում:
Ավելացնենք, որ անցած ամառ «Մալագայից» «Արսենալ» տեղափոխվեց նաև Սանտի Կազորլան:
