«Նյուքասլի» կիսապաշտպան Շեկ Տիոտեն կարծում է, որ իր թիմին դեռ վաղ է հանգստանալ, քանի որ նրանք դեռ չեն ապահովել տեղը Պրեմիեր Լիգայում:
Հունվարին «կաչաղակները» համալրվեցին կարևոր ֆուտբոլիստներով: Վերջին 7 խաղերից 4-ում «Նյուքասլը» հաղթանակ է տոնել: Մինչդեռ անցած տուրում «Ուիգանից» կրած պարտությունը (2:1) սառը ցնցուղ էր Ալան Պարդյուի սաների համար:
Այժմ «Նյուքասլը» գտնվում է մրցաշարային աղյուսակի 13-րդ հորիզոնականում:
-Կարծում եմ, որ մենք դեռ պետք է աշխատենք: Երբեք չգիտես, թե ինչ կարող է պատահել: Պրեմիեր Լիգան շատ-շատ է տարբերվում աշխարհի մյուս առաջնություններից:
Ցանկացած ակումբ ի վիճակի է հաղթել 4-5 հանդիպում և լուծել իր առջև դրված առաջադրանքը: Հետևաբար այպիսինն է նաև մեր նպատակը: Մենք պետք է ապահովագրենք մեզ դուրս մնալուց,- հայտնել է Տիոտեն: Newcastle Chronicle
