«Բլեքպուլի» վինգեր Թոմ Ինսի հայրը իր որդու տրանսֆերային արժեքը գնահատել է 25 մլն ֆունտ:
Փոլ Ինսի կարծիքով, եթե «Մանչեսթեր Յունայթեդը» Վիլֆրիդ Զախային ձեռք բերեց 15 մլն ֆունտով, ուրեմն իր որդին, ով ճանաչվեց Չեմպիոնշիպի տարվա լավագույն երիտասարդ ֆուտբոլիստ, պետք է արժենա 25 մլն ֆունտ:
-Եթե Զախայի դեպքում խոսքը գնում է 15 մլն-ի մասին, ուրեմն Թոմը պետք է 25 մլն արժենա: Համեմատության մեջ Թոմը ավելի շատ արժի:
Զախան լավ ֆուտբոլիստ է, ինձ սխալ մի հասկացեք: Նա լավ արագություն ունի, լավ հնարքների է տիրապետում: Իսկ Թոմը անում է իր գործը և գոլեր է խփում:
Թոմը Չեմպիոնշիպում արդեն 18 գոլ է խփել: Տեսեք ռմբարկուների ցուցակը: Թոմը նրանց թվում է: Եթե 6 գնդակ խփած Զախան արժի 15 մլն, ապա ինչքա՞ն արժի Թոմասը,- BBC-ին տված հարցազրույցում ասել Փոլ Ինսը:
