«Չելսիի» կիսապաշտպան Ֆրենկ Լեմպարդը վստահ հայտնել է, որ «Ռեալի» գլխավոր մարզիչ Ժոզե Մոուրինյոն հաջողության կհասնի ցանկացած թիմում:
-Ժոզեն պարզապես ֆանտաստիկ մարզիչ է, նա Չեմպիոնների Լիգայի լեգենդն է: Չպետք է կասկածել նրա պրոֆեսիոնալ որակների վրա:
Կվերադառնա նա «Չելսի», կմնա Մադրիդում կամ կգլխավորի մեկ այլ ակումբ, նա ամեն դեպքում հաջողակ կլինի, որովհետև այլ կերպ չի լինում:
«Չելսիի» համար հիանալի կլիներ, եթե նոր գլխավոր մարզիչը հնարավորություն ստանար՝ երկար աշխատելու: Կարծում եմ, որ բոլորն էլ երջանիկ կլինեն, եթե ունենան մարզիչ, որը կմնա ակումբում ավելի երկար, քան կես մրցաշրջան:
Այժմ մենք ունենք գլխավոր մարզիչ: Չնայած բոլորս էլ հասկանում ենք, թե ինչ է լինելու ընթացիկ մրցաշրջանի ավարտից հետո, կարծում եմ, որ սխալ կլինի քննարկել, թե ով կլինի հաջորդ մարզիչը,- ասել է Լեմպարդը:
