Անգլիական Պրեմիեր Լիգայի տիտղոսակիր հովանավոր Barclays բանկը պատրաստվում է քննարկել իր պայմանագրի երկարաձգման հարցը:
Ինչպես հայտնի է, Barclays-ը Պրեմիեր Լիգայի տիղտոսակիր հովանավորն է 2004թ-ից: Համաձայն 2012թ-ին ստորագրված 3-ամյա պայմանագրի, Barclays-ը տարեկան 40 մլն ֆունտ է վճարում Պրեմիեր Լիգային:
Սակայն խնդիրն այն է, որ ներկայիս պայմանագիրը 50%-ով ավելի թանկ է նստում Barclays-ի վրա, քան նախորդ պայմանագիրը: Բանկը մտահոգված է, որ Պրեմիեր Լիգայի անընդհատ մեծացող ախորժակը կարող է խանգարել հետագա համաձայնությանը:
The Telegraph պարբերականի հաղորդմամբ, Barclays-ը հենց այդ հարցն էլ կքննարկի Պրեմիեր Լիգայի ղեկավարների հետ: Չի բացառվում, որ նոր պայմանագիրը բանկին ձեռնտու չլինի և 2016/17 մրցաշրջանից Անգլիայի բարձրագույն դիվիզիոնն այլ տիտղոսակիր հովանավոր ունենա:
