«Արսենալը» հայտնել է հուլիսին Ինդոնեզիա մեկնելու և այդ երկրի հավաքականի հետ ընկերական խաղ անցկացնելու նպատակների մասին:
Ինդոնեզիայի մայրաքաղաք Ջակարտա այցը կլինի «զինագործների» ասիական երրորդ այցը: Հիշեցնենք, որ լոնդոնցինեը 2011 և 2012 թվականներին այցելել են համապատասխանաբար Չինաստան և Մալայզիա:
Հուլիսի 14-ին 88 հզր նստատեղ ունեցող «Գելորա Բունգ Կարնո» մարզադաշտը կհյուրընկալի Արսեն Վենգերի սաներին: «Զինագործները» նաև հանդիպում կունենան իրենց ինդոնեզիացի երկրպագուների հետ:
Դա կլինի 1983 թվականից հետո «Արսենալի» առաջին այցելությունը Ինդոնեզիա: Այս ամռանը լոնդոնցիները պատրաստվում են մեկնել նաև Ճապոնիա, որպեսզի հուլիսի 22-ին խաղան Վենգերի նախկին ակումբ «Նագոյա Գրամպուս Էյտի» հետ:
