«Արսենալը» մտադիր է վաճառել պաշտպան Անդրե Սանթոսին տրանսֆերային պատուհանի վերջին ժամերի ընթացքում: Այս մասին հայտնում է Goal.com կայքը:
Թիմի ավագ Թոմաս Վերմալենը ժամանակավորապես խաղալու է պաշտպանության ձախ եզրում, մինչև պաշտպան Կիերան Գիբսը կապաքինվի: Պաշտպանական դիրքը ուժեղացնելու նպատակով «զինագործները» դիտարկում են «Մարսելի» ֆուտբոլիստ Նիկոլյա Նկուլուին ձեռք բերելու հավանականությունը: Նրանք երկար ժամանակ է՝ հետևում են Նիկոլյային:
Նշենք, որ Սանթոսին գնելու ֆավորիտ է համարվում «Ֆեներբահչեն», որի կազմում խաղացողը նախկինում հանդես է եկել:
