«Արսենալը» 1:0 հաշվով հաղթեց «Ցյուրիխին» և նվաճեց Եվրոպայի լիգայի փլեյ-օֆֆ փուլի ուղեգիր՝ A խմբի առաջին տեղից:
«Զինագործները» ագրեսիվ սկսեցին հանդիպումը և արդեն 17-րդ րոպեին բացեցին խաղի հաշիվը։Կիրան Տիերնի տուգանային հրապարակից դուրս հարվածից հետո հանդիպման հաշիը բացվեց՝ 1:0:
«Էմիրեյթսի» տանտերերը շարունակում էին գերիշխել և մի քանի լավ հնարավորություններ ստեղծեցին առաջին խաղակեսի մնացած հատվածում, սակայն չկարողացան ավելացնել իրենց առավելությունը:
Երկրորդ խաղակեսում «Արսենալը» շարունակում էր փնտրել երկրորդ գոլի հնարավորությունը, սակայն աստիճանաբար խաղը սկսեց փոխվել, քանի որ մրցաշարային իրավիճակը ստիպեց «Ցյուրիխին» առաջ գնալ։
68-րդ րոպեին հյուրերը նույնիսկ գոլ խփեցին, սակայն խաղից դուրս վիճակից։
Վերջաբանը շատ նյարդային ստացվեց տանտերերի համար, որոնք գրեթե դադարեցին գրոհելը և ստիպված էին կենտրոնանալ դարպասը պաշտպանելու վրա, սակայն հաղթանակը բաց չթողեցին իրենց ձեռքից։
«Արսենալ» (Անգլիա) — «Ցյուրիխ» (Շվեյցարիա) — 1:0
Գոլեր։ Տիրնի 17
