Համաձայն PROtransfers-ի, «Արսենալը» հետաքրքրվում է Թուրինի «Յուվենտուսի» կիսապաշտպան Պոլ Պոգբայով:
Ինչպես հայտնի է, լոնդոնցիներն ամբողջ ամռան ընթացքում թիմն ուժեղացնելու տարբերակներ են փնտրում: Այժմ նրանք իրենց ուշադրությունը կենտրոնացրել են «Յուվենտուսի» ֆրանսիացի կիսապաշտպանի վրա, ում համար պատրաստ են 20 մլն ֆունտ վճարել:
«Յուվենտուսը» դեռևս չի մեկնաբանել մամուլում տարածված լուրերը: Սակայն, ինչպես հայտնում է «Ծեր Սինյորային» մոտ աղբյուրներից մեկը, իտալական ակումբը մտադիր չէ բաց թողնել 20-ամյա տաղանդավոր ֆուտբոլիստին:
Հիշեցնենք, որ Պոգբան անցած տարի «Մանչեսթեր Յունայթեդից» է տեղափոխվել «Յուվենտուս»: Անցած մրցաշրջանում նա մասնակցել է Ա Սերիայի բոլոր խաղերին և խփել է 6 գնդակ:
