«Լիվերպուլի» գլխավոր մարզիչ Բրենդան Ռոջերսը կարծում է, որ «Մանչեսթեր Յունայթեդի» դեմ խաղի ջախջախիչ հաշիվը խոսում է իր թիմի բարձր կարգի մասին:
Վաստակելով 3 հատ 11 մետրանոց, որոնցից մեկը չկարողացան իրացնել, և բավական շատ գոլային պահեր ստեղծելով՝ «կարմիրները» վստահ հաղթանակ տարան «Օլդ Թրաֆորդում» և շարունակեցին չեմպիոնական մրցավազքը: Ռոջերսը կարծում է, որ «Լիվերպուլը» վերահսկում էր ողջ խաղը:
-Մենք եկել էինք ասյտեղ՝ վստահ լինելով մեր ուժերի վրա և որ կարող ենք 3 միավոր վաստակել: Մեր կողմից խաղի վերահսկողությունը բավական ակնհայտ էր և մենք կարող էինք 5 կամ 6 գոլ խփել: Դա խոսում է մեր ֆուտբոլիստների բարձր կարգի մասին:
Մենք հարձակման գծում շատ ագրեսիվ ենք, ինչի շնորհիվ մրցակիցներին ստիպում ենք սխալներ թույլ տալ: Եթե մենք շարունակենք նման խաղ ցուցադրել, ապա կշարունակենք հաղթանակների շարքը,- Ռոջերսի խոսքերն է մեջբերում BBC-ն: