«Մանչեսթեր Սիթիի» գլխավոր մարզիչ Խոսեպ Գվարդիոլան առաջադրվել է ՖԻՖԱ-ի «Տարվա լավագույն մարզիչ» անվանակարգում:
Բացի Գվարդիոլայից, շորթ ցուցակում են նաև Մադրիդի «Ռեալի» մարզիչ Կարլո Անչելոտին և արգենտինացի Լիոնել Սկալոնին:
Անցած մրցաշրջանում Գվարդիոլան ապահովեց «Սիթիի» չորրորդ չեմպիոնական տիտղոսը Պրեմիեր լիգայի հինգերորդ տարում: Կատալոնացի մասնագետի սաները առաջնության 38 հանդիպումներում խփել են 99 գոլ՝ ցուցադրելով վառ ֆուտբոլ։
Անչելոտիի և նրա «Ռեալի» համար 2021/22 մրցաշրջանը նշանավորվեց Լա Լիգայում և Չեմպիոնների լիգայում հաղթանակներով, մինչդեռ Սկալոնին, իր հերթին, Արգենտինայի հավաքականի հետ նվաճեց աշխարհի գավաթը:
Փետրվարի 27-ին Փարիզում կայանալիք արարողության ժամանակ կընտրվի տարվա լավագույն մարզիչը: Հաղթողը կորոշվի ազգային հավաքականների մարզիչների ու ավագների, ինչպես նաև լրագրողների քվեարկությամբ։
