«Արսենալի» գլխավոր մարզիչ Միկել Արտետան հուսով է, որ «Նոթինգհեմ Ֆորեստի» հետ խաղում ստացած վնասվածքը լուրջ չէ, և Սական կարող է խաղալ Քաթարում կայանալիք Աշխարհի առաջնությանը։
Այսօր «զինագործները» սեփական հարկի տակ ջախջախեցին «անտառայիններին» 5:0 հաշվով:
Սակայն արդեն 27-րդ րոպեին Բուկայոն ստիպված եղավ լքել Էմիրեյթսը, որը տագնապալի տեսք ուներ մոտալուտ աշխարհի առաջնության ֆոնին։ Այնուամենայնիվ, Արտետան լավատես է․
«Այս վնասվածքը կարո՞ղ է խանգարել նրան մասնակցել աշխարհի առաջնությանը։ Հուսով եմ՝ ոչ։ Դա լուրջ կապտուկ էր, նա կաղում էր, բայց ես այստեղ այլ բան չեմ տեսնում։ Նա ոտքին և կոճին մի քանի հարված է հասցվել»։ Արտետային է մեջբերում Sky Sports-ը։
