«Մանչեսթեր Յունայթեդի» վինգեր Անտոնին ասել է, որ երբեք չի փոխի իր խաղաոճը:
Անցյալ ամիս Անտոնին քննարկվում էր սոցիալական ցանցերում այն բանից հետո, երբ Եվրոպա լիգայի «Շերիֆի» դեմ խաղում գնդակով պտտվեց, իսկ հետո ոչ ճշգրիտ փոխանցում կատարեց:
22-ամյա բրազիլացին վստահեցնում է, որ դա «զվարճանքի համար չէր», և խոստանում է շարունակել հանդիսատեսին ուրախացնել հնարքներով։
«Երբ գնդակը քո ոտքերի մոտ է, դու պետք է միայն հաճույք ստանաս: Ես դրիբլյոր եմ ծնվել: Դա իմ էության մի մասն է: Դա նվեր է, որն ինձ տեղափոխեց աղքատ թաղամասերից դեպի Օլդ Թրաֆորդ»:
«Ես երբեք չեմ փոխի իմ խաղաոճը, քանի որ դա ուղղակի ոճ չէ, դա ես եմ: Դա իմ մի մասն է: Բրազիլիայի մեր պատմության մի մասը»:
«Եթե դուք պարզապես դիտեք իմ 10 վայրկյանանոց տեսանյութը, չեք հասկանա: Ես ոչինչ չեմ անում զվարճանալու համար: Ամեն ինչ ունի նպատակ: Ես դա անում եմ, որպեսզի համարձակորեն առաջ գնամ, հակառակորդների մեջ վախ սերմանեմ, տարածք ստեղծեմ»,- ասել է Անտոնին The Players’ Tribune-ին:
