«Մանչեսթեր Յունայթեդի» գլխավոր մարզիչ Դևիդ Մոյեսը խոստովանել է, որ նոր ակումբում ստիպված է բարդ որոշումներ կայացնել և լուրջ դժվարությունների է հանդիպում:
Շոտլանդացի մասնագետն ավելի քան 10 տարի աշխատել է «Էվերթոնում», սակայն այս տարի նրա կարիերայում լուրջ փոփոխություն եղավ` նա գլխավորեց աշխարհի ամենահեղինակավոր ակումբներից մեկը` «Մանչեսթեր Յունայթեդը»:
-«Էվերթոնից» տեղափոխությունը «Յունայթեդ» այնքան էլ հեշտ չի տրվում, քանի որ այստեղ ես բարդ որոշուներ եմ կայացնում: «Էվերթոնը» հրաշալի ակումբ է, ես հպարտ էի, որ այդ թիմին եմ մարզում, սակայն «Յունայթեդն» այլ մակարդակի վրա է,- ասել է Մոյեսը:
Մոյեսն իր առաջին պաշտոնական հանդիպումը «Մանչեսթեր Յունայթեդի» ղեկին կանցկացնի օգոստոսի 11-ին: «Կարմիր սատանաները» Անգլիայի սուպերգավաթի խաղում կմրցեն Անգլիայի գավաթակիր «Ուիգանի» հետ:
-Իհարկե մենք կփորձենք հաղթել սուպերգավաթը, և այն դարձնել մեր առաջին նվաճումն այս մրցաշրջանում: Եթե մենք հաղթենք, դա կլինի շնորհիվ Սէր Ալեքս Ֆերգյուսոնի, ում շնորհիվ «Մանչեսթերը» նվաճեց Պրեմիեր Լիգայի հաղթողի կոչումը: Ես ամեն ինչ կանեմ, որպեսզի մենք հաղթանակով ավարտենք այդ խաղը,- Մոյեսի խոսքերն է մեջբերում Soccerway-ը: