«Մանչեսթեր Սիթիի» մարզիչ Խոսեպ Գվարդիոլան հորդորել է «Չելսիի» սեփականատեր Թոդ Բելիին ժամանակ տալ իր գլխավոր մարզիչ Գրեհեմ Փոթերին։
Կիրակի օրը կայանալիք Անգլիայի գավաթի 3-րդ փուլի հանդիպումից առաջ Փոթերը հուզիչ ելույթ ունեցավ այն մասին, թե որքան կարճ է չորս ամիսը եզրակացություններ կատարելու համար, և որ նա զգում է ղեկավարության լիակատար աջակցությունը:
Փոթերը նաև հիշեցրել է, որ Գվարդիոլան ոչինչ չի շահել «Սիթիում» իր առաջին մրցաշրջանում, և 4:0 հաշվով հաղթանակից հետո Խոսեպն աջակցել է իր գործընկերոջը:
«Այո, նա (Փոթերը) ճիշտ է: Ես կասեի Թոդ Բելիին «Ուրախ եմ տեսնել քեզ, բայց ժամանակ տուր նրան»: Ես գիտեմ, որ արդյունքները կարևոր են մեծ ակումբների համար, բայց ես կխնդրեի, որ նրան ժամանակ տան»:
«Կարծում եմ, որ այսօր երեկոյան երկրորդ խաղակեսը ցույց տվեց, թե ինչ է նա և ինչ է արել «Բրայթոնում»: Բոլոր մարզիչներին ժամանակ է պետք, և նա ճիշտ է: Մեզ ժամանակ է պետք մեր առաջին մրցաշրջանում»:
«Բարսելոնայում» իմ առաջին մրցաշրջանում ես արդյունքներ ստացա, բայց մենք ունեինք Լիոնել Մեսսի, այնպես որ մեկ մրցաշրջանը բավական էր: Բայց այո, արտաքինից յուրաքանչյուր մարզիչ կարող է ապուշի տեսք ունենալ: Անգլիայի գավաթը, հաշվի առնելով մեր մակարդակը, հեշտ չէ՝ ոչ Գրեհեմի «Չելսիի», ոչ էլ որևէ այլ թիմի համար»,- Գվարդիոլայի խոսքերն է մեջբերում Evening Standard-ը։
