«Մանչեսթեր Յունայթեդը» շարունակում է ուշադիր հետևել «Ռեալի» վինգեր Անխել դի Մարիայի շուրջ ստեղծված իրավիճակին: Ինչպես հայտնի է դառնում ESPN-ից, 26-ամյա արգենտինացին հասկանում է, նոր մրցաշրջանում իրեն «Ռեալում» մշտական խաղային պրակտիկա չի սպասվում, ինչն էլ նրան ստիպել է մտածել «Սանտյագո Բերնաբեոն» լքելու մասին:
Անձամբ դի Մարիան նախընտրում է ՊՍԺ-ն, սակայն «Յունայթեդը» պատրաստ է հնարավորության դեպքում իր առաջարկությունը ներկայացնել: Դի Մարիայի ՊՍԺ տեղափոխվելուն խանգարում է ՈՒԵՖԱ-ի կողմից ֆրանսիական ակումբի վրա դրված սանկցիաները: Անխելին գնելու համար նրանք պետք է վաճառեն ինչ որ մեկին, թեկուզ Էդինսոն Կավանիին, ով այս ամառ նույնպես կարող է դառնալ «Յունայթեդի» ֆուտբոլիստ:
Սպասվում է, որ ամեն ինչ պարզ կլինի առաջիկա օրվա ընթացքում: Դի Մարիան պետք է կատարի իր ընտրությունը, որն այս պահին սահմանափակվում է միայն ՊՍԺ-ով և «Յունայթեդով»:
