Ինչպես հաղորդում է Daily Mail-ը, «Բոլթոն»-ի նախկին ֆուտբոլիստը ներկա է գտնվել «Տոտենհեմ» – «Մարիբոր» խաղին: Ֆուտբոլիստը, ով առողջական խնդիրների պատճառով արդեն ավարտել է կարիերան, իր շնորհակալությունն է հայտնել «Տոտենհեմ»-ի երկրպագուներին:
-Ես ցանկանում եմ շնորհակալություն հայտնել բոլոր այն մարդկանց, ովքեր աղոթում էին ինձ համար: Շնորհակալ եմ «Տոտենհեմ»-ի երկրպագուներին, ես ձեզ երբեք չեմ մոռանա, դուք պարզապես ֆանտաստիկ էիք,- արցունքները աչքերին ասել է 24-ամյա անգլիացին:
Հիշեցնենք, որ մարտի 17-ին կայացած «Տոտենհեմ» – «Բոլթոն» խաղի ժամանակ Մուամբան սրտի կաթված էր ստացել:
