«Արսենալի» հարձակվող Յայա Սանոգոն քննադատել է «Չելսիի» գլխավոր մարզիչ Ժոզե Մոուրինյոյին, ով մի քանի ամիս առաջ Արսեն Վենգերին անվանել էր «սխալների մասնագետ»:
Շաբաթ օրը Սանոգոն փոխարինման դուրս գալով «Հալլ Սիթիի» դեմ Անգլիայի գավաթի եզրափակիչ խաղում՝ «զինագործներին» օգնեց նվաճել վերջին 9 տարվա մեջ իրենց առաջին տիտղոսը:
Հաջողությունից ոգևորված Սանոգոն Մոուրինյոյին հիշեցրել է, թե իր թիմն այս մրցաշրջանում քանի տիտղոս է նվաճել:
-Մեկ ամիս առաջ ո՞վ կպատկերացներ, որ մենք կլինենք այս դիրքում: Եվ այսպես, Ժոզե, քա՞նի տիտղոս ես դու նվաճել այս մրցաշրջանում,- թվիթերյան իր էջում գրել է Սանոգոն:
