«Չելսին» երկարաձգել է պայմանագիրն Adidas ընկերության հետ, որը կշարունակի պատրաստել «կապույտների» մարզահագուստը մոտակա 10 տարիների ընթացքում:
Այս համագործակցությունը սկիզբ է առել 2006թ-ից` համընկնելով լոնդոնյան ակումբի պատմության հաջող շրջափուլի հետ: Այս ընթացքում «Չելսին» հաղթել է Պրեմիեր Լիգան, Անգլիայի 4 գավաթ, Լիգայի գավաթ, ինչպես նաև Չեմպիոնների Լիգան և Եվրոպա Լիգան:
Adidas-ի հետ նոր պայմանագիրն ուժի մեջ է մինչև 2023 թվականը: Ակնհայտ է, որ «Չելսիի» համար, հաշվի առնելով ակումբի սպորտային հաջողությունները, այս պայմանագիրը կնքվել է ավելի շահավետ պայմաններով:
Հավելենք, որ 2013/2014 մրցաշրջանի մարզահագուստը «Չելսին» և Adidas-ը ներկայացրեցին բացարձակապես անսպասելի կերպով` հիմքում ունենալով հետևյալ կարգախոսը. It’s blue, what else matters («Այն կապույտ է, այլ բան կարևոր չէ»):
