«Չելսին» պաշտոնապես ներկայացրել է տնային խաղերի իր նոր մարզահագուստը, որը նախատեսված է 2016/17 մրցաշրջանի համար։
Ինչպես ասվում է լոնդոնյան ակումբի հայտարարության մեջ, այս անգամ «կապույտների» տեխնիկական հովանավոր Adidas֊ը դիզայնի հարցում նախապատվությունը տվել է պարզությանը և էլեգանտությանը՝ հավատարիմ մնալով ավանդույթներին։ Նոր մարզահագուստի հիմնական գույներն են կապույտը և սպիտակը։
«Չելսիի» առաջին թիմն առաջին անգամ այս մարզահագուստով կխաղա «Լեսթեր Սիթիի» հետ՝ մայիսի 15֊ին, Պրեմիեր Լիգայի վերջին տուրում։ Իսկ վաճառքի կհանվի մայիսի 11-ին։
