Մադրիդի «Ատլետիկոյի» հարձակվող Ռադամել Ֆալկաոն խոստովանել է, որ արդեն անգլերեն է սովորում:
27-ամյա կոլումբացին Լա Լիգայի 21 հանդիպումներում դարձել է 20 գոլի հեղինակ: Նա անգլիական «Չելսիի» և «Մանչեսթեր Սիթիի» տրանսֆերային նպատակն է:
Մինչդեռ անգլերեն սովորելը Ռադամելը կապում է բացառապես մտահորիզոնն ընդլայնելու հետ:
-Անգլերե՞ն: Ես սովորում եմ անգլերեն: Առջևում դեռ շատ տարիներ ունեմ, այդ իսկ պատճառով հույս ունեմ օգտվել ստացված գիտելիքներից, երբ հաջորդ անգամ կմեկնեմ հանգստանալու,- հայտնել է Ֆալկաոն El Mundo-ին տված հարցազրույցի ժամանակ:
