Մադրիդի «Ռեալի» հարձակվող Կրիշտիանու Ռոնալդուն խոստովանել է, որ չի կարող հանդես գալ «Մանչեսթեր Սիթիում», քանի որ իր սիրտը դեռևս պատկանում է «Մանչեսթեր Յունայթեդին»:
Պորտուգալացին վեց մրցաշրջան է անցկացրել «Օլդ Թրաֆորդում», իսկ 2009թ-ին ռեկորդային՝ 80 մլն ֆունտով տեղափոխվեց «արքայական ակումբ»: Այսօր երեկոյան Կրիշտիանու Ռոնալդուն առաջին անգամ կխաղա իր նախկին թիմակիցների դեմ:
Քիչ են այն ակումբները, որոնք կարող են իրենց թույլ տալ գնել Ռոնալդուի տրանսֆերը և այդ ակումբներից է «Մանչեսթեր Սիթին»: Սակայն Ռոնալդուն իրեն չի պատկերացնում կապույտ մարզաշապիկով:
-Ես չեմ կարող հանդես գալ «Մանչեսթեր Սիթիում», քանի որ իմ սիրտը «Յունայթեդի» հետ է: Կարող եմ ասել, որ «Սիթիում» խաղալը ինձ համար անչափ դժվար կլինի:
Ես «Ռեալի» ֆուտբոլիստ եմ: Իմ ընտանիքը երջանիկ է և ամեն ինչ լավ է գնում: Թե ինչ կլինի ապագայում, ես չգիտեմ: Միայն Աստված գիտի: Չեմ կարող ասել, որ երբեք չեմ վերադառնա «Յունայթեդ», բայց ես ինձ այստեղ էլ եմ շատ լավ զգում,- ասել է Ռոնալդուն: The Sun
