«Մանչեսթեր Սիթիի» կիսապաշտպան Սամիր Նասրին կարծում է, որ Պրեմիեր Լիգայի չեմպիոնական պայքարում իր թիմի հիմնական մրցակիցները «Չելսին» և «Մանչեսթեր Յունայթեդն» են:
Նախորդ մրցաշրջանում «Յունայթեդը» չմասնակցեց չեմպիոնական պայքարին` 22 միավոր զիջելով մանչեսթերյան իր հարևանին: Սակայն Նասրին վստահ է, որ այս անգամ «կարմիր սատանաները» վերադառնալու են առաջնության կարևորագույն պայքարին:
-Կարծում եմ՝ մեր գլխավոր մրցակիցներն են «Չելսին» և «Մանչեսթեր Յունայթեդը»: «Չելսին» մի շարք կարևոր տրանսֆերներ է կատարել, և Սեսկ Ֆաբրեգասն այն ֆուտբոլիստն է, ով կփոխարինի Ֆրենկ Լեմպարդին: Նա հիանալի ֆուտբոլիստ է, ես նրան լավ եմ ճանաչում, քանի որ միասին խաղացել ենք «Արսենալում»:
«Յունայթեդը» նոր մարզիչ ունի, նրանք ուժեղացրել են կազմը և չեն մասնակցում եվրոգավաթներին: Նրանք լավ դիրքում են,- ասել է Նասրին: ESPN
