Պրեմիեր Լիգայի նորեկ «Քարդիֆ Սիթին» պաշտոնապես հայտնել է «Տոտտենհեմի» կենտրոնական պաշտպան Սթիվ Կոլկերին ձեռք բերելու մասին: Գործարքն արժեցել է 8 մլն ֆունտ:
Կոլկերը 4 տարվա պայմանագիր է ստորագրել՝ դառնալով «Քարդիֆի» համար ռեկորդային ձեռքբերում: Նախորդ ռեկորդը 7.5 մլն ֆունտ էր:
Նախորդ մրցաշրջանում Կոլկերը «Տոտտենհեմի» կազմում մասնակցեց 28 հանդիպման և անգամ հրավեր ստացավ Անգլիայի ազգային հավաքականից:
-Ես շատ ուրախ եմ, որ տեղափոխվեցի «Քարդիֆ»: Ես խոսել եմ մարզչի հետ և ինձ դուր է եկել ակումբի պլանները,- ասել է Կոլկերը:
